Թրամփը վստահեցնում է, որ նավթի ցածր գներով կկանխեր Ուկրաինայում հակամարտությունը
ԱՄՆ նախկին նախագահ Դոնալդ Թրամփը հայտարարել է, որ կարող էր կանխել Ուկրաինայում հակամարտության բռնկումը՝ նավթի մեկ բարելի գինը իջեցնելով 40 դոլարի։ Այս կարծիքը նա հայտնել է Միչիգանում իր կողմնակիցների, այդ թվում՝ գործադուլ անող ավտոմոբիլային գործարանների աշխատողների առջև տեղի ունեցած հանրահավաքում, փոխանցում է ՏԱՍՍ-ը․
«Նավթի գներն այնքան ցածր կլինեին, որ Ռուսաստանը չէր կարողանա իրեն թույլ տալ պատերազմ։ Գինը կկազմեր 40 դոլար՝ մեկ բարելի դիմաց»,- ասել է Թրամփը։
Նա բազմիցս հայտարարել է, որ մտադիր է լուծել Ռուսաստանի և Ուկրաինայի միջև հակամարտությունը ընդամենը 24 ժամում։ Թրամփի խոսքով՝ ինքը լավ հարաբերություններ ունի ՌԴ նախագահ Վլադիմիր Պուտինի հետ և առաջարկել է իր օգնությունը՝ լուծել այս հակամարտությունը։
