ԱՄՆ-ն մտադիր է առաջիկա օրերին համաձայնեցնել ԼՂ–ի համար միջազգային դիտորդական առաքելության մանրամասները. Պետդեպ
ԱՄՆ-ն մտադիր է առաջիկա օրերին համաձայնեցնել Լեռնային Ղարաբաղի համար միջազգային դիտորդական առաքելության մանրամասները և ուրախ է, որ Ադրբեջանը պատրաստ է ընդունել այն: Այս մասին հայտարարել Է Պետդեպի պաշտոնական ներկայացուցիչ Մեթյու Միլլերը:
«Մենք առաջիկա օրերին կաշխատենք մեր դաշնակիցների և գործընկերների հետ՝ պարզելու, թե կոնկրետ ինչպիսին կլինի այդ առաքելությունը։ Բայց վերջին հաշվով մենք ցանկանում ենք տեսնել վերադարձ բանակցային սեղանին», - ասել է նա լրատվամիջոցների համար ճեպազրույցի ժամանակ։
Միլլերը հավելել է, որ ԱՄՆ-ն ողջունում է «բառացիորեն հենց նոր արված Ադրբեջանի կառավարության հայտարարությունը... որ նրանք ուրախ կլինեն ընդունել նման միջազգային դիտորդական առաքելություն»։
Նրա խոսքով ՝ ԱՄՆ-ն «արդյունավետ չի համարում» այն դերը, որը խաղացել է Ռուսաստանը Լեռնային Ղարաբաղում վերջին սրացման գործում:
«Վստահաբար չեմ կարծում, որ նախորդ շաբաթ Ռուսաստանը արդյունավետ դերակատարություն է ունեցել։ Եղել են ժամանակներ, երբ նրանք աջակցել են բանակցություններին և մենք ողջունել ենք դա։ Բայց հաստատապես ոչ նախորդ շաբաթ»,- ասել Է Միլլերը։
