3 տարիների ընթացքում խաղաղության ուղղությամբ բոլոր քայլերը ձեռնարկվել են ադրբեջանական կողմից․ Բայրամով
3 տարի շարունակ Հայաստանը հետ է մղել Ադրբեջանի մեկնած ձեռքը։ Այս մասին ասել է Ադրբեջանի արտգործնախարար Ջեյհուն Բայրամովը:
«Չնայած օկուպացիայի ժամանակ մեր հողերը դատարկվել են, քաղաքներն ու գյուղերը հողին են հավասարվել, տարածքների ազատագրումից անմիջապես հետո Ադրբեջանի նախագահը խաղաղության կոչ է արել և ադրբեջանական կողմի պատրաստակամությունը հայտնել աշխատել խաղաղության համաձայնագրի վրա ՝ շրջելով թշնամանքի էջը», – ասել է Բայրամովը:
Նա նշել է, որ վերջին երեք տարիների ընթացքում խաղաղության ուղղությամբ բոլոր քայլերը ձեռնարկվել են ադրբեջանական կողմից։
Հավելենք, որ չնայած Ադրբեջանի՝ խաղաղության մասին հայտարարություններին, Ադրբեջանը պարբերաբար կրակ է բացում հայկական դիրքերի ուղղությամբ։
