Սյունիքում ռազմական կցորդ և 7 մլն եվրո ԼՂ-ից բռնի տեղահանված անձանց սոցիալական կարիքները հոգալու համար․ ֆրանսիայի կառավարություն
Մենք խորացրել ենք համագործակցությունը Հայաստանի հետ պաշտպանական բնագավառում։ Ֆրանսիայի դեսպանատանը ռազմական կցորդ կլինի։ Այդ մասին հայտնել է Ֆրանսիայի ԱԳ նախարարը․
«Սահմանամերձ Սյունիքի մարզում շուտով բացելու ենք հյուպատոսական կենտրոն»,- հավելել է նա։
Աշխատանքի և սոցիալական հարցերի նախարար Նարեկ Մկրտչյանն էլ այսօր հանդիպում է ունեցել ՀՀ-ում Ֆրանսիայի Հանրապետության արտակարգ և լիազոր դեսպան Օլիվիե Դըկոտինիի հետ։
Դեսպան Դըկոտինին, ընդգծելով հումանիտար ճգնաժամի հաղթահարման կարևորությունը, նախարարին հայտնել է, որ Ֆրանսիայի կառավարությունը՝ գործընկեր կազմակերպությունների հետ համագործակցությամբ, որոշում է կայացրել 7 մլն եվրո տրամադրել՝ ԼՂ-ից բռնի տեղահանված անձանց սոցիալական կարիքների հաղթահարման նպատակով։
Դեսպանի խոսքով՝ ֆրանսիական կողմը պատրաստվում է նաև ՀՀ ուղարկել բժշկական պարագաներով և սարքավորումներով բեռնված օդանավ՝ ԼՂ-ում բենզալցակայանի պայթյունից տուժած անձանց առաջին բուժօգնություն ցուցաբերելու համար։
