«Հիշեցնում ենք բոլոր կողմերին, մասնավորապես Հայաստանին․․․»․ Թուրքիայի հայտարարությունը խաղաղության մասին

Թուրքիայի Ազգային անվտանգության խորհուրդը Թուրքիայի նախագահ Ռեջեփ Էրդողանի գլխավորությամբ նիստ է գումարել, որից հետո հանդես են եկել մի շարք հարցերի վերաբերյալ հայտարարություններով։  

Թուրքիան կշարունակի աջակցել Հարավային Կովկասում կայուն խաղաղության և կայունության ապահովման ջանքերին: Նշելով, որ Հարավային Կովկասում խաղաղությունը հնարավոր է միայն Ադրբեջանի տարածքային ամբողջականության անվերապահ հաստատմամբ։  

«Հիշեցնում ենք բոլոր կողմերին, մասնավորապես Հայաստանին, որ կայուն խաղաղության ճանապարհն անցնում է միայն Ադրբեջանի տարածքային ամբողջականությանն անվերապահ աջակցությամբ»,- նշված է Թուրքիայի Ազգային անվտանգության խորհուրդի հայտարարության մեջ։ 

Հայտարարությունների մյուս թեմաները ստորև. 

- Մենք ընդգծում ենք մեր վճռականությունը ահաբեկչության դեմ պայքարում։ 

-ՄԱԿ-ի խաղաղապահ ուժերը երկակի ստանդարտներ են պահպանում: Սա վարկաբեկում է նրանց գործունեությունը։ 

- Թուրքիան կշարունակի իր ջանքերը Ուկրաինայում պատերազմին վերջ տալու ուղղությամբ։ 

- Անկարան համապարփակ օգնություն է ցուցաբերում Լիբիային, որը դժվար ժամանակներ է ապրում։