Պուտինը և Ռաիսին քննարկել են իրավիճակը Լեռնային Ղարաբաղի շուրջ

Ռուսաստանի և Իրանի նախագահներ Վլադիմիր Պուտինն ու Էբրահիմ Ռայիսին մտքեր են փոխանակել Լեռնային Ղարաբաղի շուրջ ստեղծված իրավիճակի և Հայաստանի ու Ադրբեջանի միջև հարաբերությունների կարգավորման շուրջ։ Այս մասին հայտնում է Կրեմլի մամուլի ծառայությունը:

«Մտքերի հանգամանալից փոխանակում է տեղի ունեցել Լեռնային Ղարաբաղի շուրջ ստեղծված իրավիճակի և Ադրբեջանի ու Հայաստանի միջև հարաբերությունների կարգավորման խնդիրների շուրջ», - ասվում է հաղորդագրության մեջ:

Նշվում է, որ Պուտինը Ռայիսիին տեղեկացրել է ռուսական խաղաղապահ զորակազմի գործունեության մասին, այդ թվում ՝ խաղաղ բնակիչներին մարդասիրական օգնություն ցուցաբերելու, Լեռնային Ղարաբաղի հայ բնակչության իրավունքների և անվտանգության պաշտպանության ուղղությամբ:

«Երկու երկրների նախագահները հետաքրքրություն են հայտնել «3+3» (Հայաստան, Ադրբեջան, Վրաստան գումարած Ռուսաստան, Իրան և Թուրքիա) տարածաշրջանային խորհրդատվական հարթակի աշխատանքի ակտիվացման հարցում», - ասված է հաղորդագրության մեջ:

Հիշեցնենք, որ «3+2» ձևաչափով առաջին և առայժմ վերջին հանդիպումը (Վրաստանը մինչ օրս հրաժարվում է մասնակցել հարթակի աշխատանքներին- խմբ.) տեղի է ունեցել 2021 թվականի դեկտեմբերին Մոսկվայում։