Էրդողանը այսօր մեկնում է Նախիջևան

Թուրքիայի նախագահ Ռեջեփ Թայիփ Էրդողանն այսօր մեկնում է Նախիջևան, որտեղ սպասվում է վերջինիս հանդիպումը Ադրբեջանի նախագահ Իլհամ Ալիևի հետ: 

Ըստ ադրբեջանական ԶԼՄ–ների՝ սպասվում է, որ երկու երկրների ղեկավարները կքննարկեն նաև Անկարայի առաջարկած հանդիպումը Ռուսաստանի Դաշնության, Թուրքիայի, Ադրբեջանի և Հայաստանի ղեկավարների միջև։

Հիշեցնենք, որ Թուրքիայի նախագահն իր մտադրության մասին հայտարարել էր ԱՄՆ ` ՄԱԿ-ի ԳԱ մեկնելուց առաջ կայացած ճեպազրույցի ժամանակ։ Էրդողանը նշել էր, որ մտադիր է հանդիպումը քննարկել Ադրբեջանի նախագահ Իլհամ Ալիևի հետ։
 

Էրդողանը նաև ասել էր, որ Ռուսաստանի, Ադրբեջանի և Հայաստանի կողմից առաջարկին պատասխան դեռ չի ստացվել: