Արցախցի 14-ամյա տղան ոստիկանություն տանելու ճանապարհին ֆիզիկական բռնության է ենթարկվել

Փաստաբան Լուսինե Վիրաբյանն իր ֆեյսբուքյան էջում գրել է.

«Ծանոթացեք` Արցախի Շեխեր գյուղից 2020 թվականին տեղահանված 14-ամյա Ամուրն է, ինքն էլ` անվան պես ամուր տղա։ Այսօր առավոտյան բերման էր ենթարկվել ոստիկանության Քանաքեռ-Զեյթուն բաժին։ Բերման ենթարկվելուց բացի` նաև ֆիզիկական բռնության է ենթարկվել ճանապարհին (հարվածներ գլխին)։

Ամուրը վերջին բերման ենթարկվածն էր, որ ինձ հետ դուրս եկավ բաժնից։ Մնացածը չափահաս էին, բայց միայն Ամուրին 3 ժամ անիմաստ պահեցին բաժնում, թեև` գործողություններն ավարտվել էին։

Դատողությունները` թողնում եմ ձեզ»։

Փատաբանը նաև հավելել է, որ նկարը հրապարակում է ծնողի թույլտվությամբ։

[27306f0d9a1dd3f56858903e9de73cb0.jpg]