Արցախիում պայթյունից տուժածներին տեղափոխող առաջին ուղղաթիռը վայրէջք է կատարել Սիսիանում

Լեռնային Ղարաբաղում պայթյունի հետևանքով տուժած մեր հայրենակիցներին տեղափոխող առաջին ուղղաթիռն իջել է Սիսիան: Այս մասին հայտնում են ՀՀ Առողջապահության նախարարությունից։ 

«Այնտեղից նրանք կտեղափոխվեն մայրաքաղաքի բժշկական կենտրոններ»,-նշվում է հաղորդագրության մեջ:

Հիշեցնենք՝ ավելի վաղ հայտնել էինք, որ ուղղաթիռով բժիշկների թիմը Երևանից մեկնել է Ստեփանակերտ։ Երեկ Ստեփանակերտ-Ասկերան ավտոճանապարհի հարակից տարածքում` բենզինի պահեստում, սեպտեմբերի 25-ին տեղի է ունեցել ուժեղ պայթյուն, որի հետևանքով կան զոհեր և վիրավորներ։

[0047f8a0c244598fdf25bd8066a514e0.jpg]

[00b5d67cd841e70f1304f79d6b97c842.jpg]