Արցախում գիշերն անցել է առանց ռազմական բախումների. ռազմական լրագրող

Ռազմական լրագրող Դավիթ Թորոսյանը ֆեյսբուքում գրառում է արել, որտեղ նշել է, որ Ժամը 10-ին առկա տվյալներով, Արցախում գիշերն անցել է առանց ռազմական բախումների, պայթյունների կամ արկերի ձայներ չեն ֆիքսվել։ 

Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական զինուժը շփման գծի ողջ երկայնքով խախտեց հրադադարը` հասցնելով հրթիռահրետանային հարվածներ։  
Սեպտեմբերի 20–ին հայտնի դարձավ, որ Արցախի իշխանություններն ընդունել են ՌԴ խաղաղապահ առաքելության զորակազմի հրամանատարության՝ կրակի դադարեցման վերաբերյալ առաջարկությունը:  
Սեպտեմբերի 21–ին ՌԴ խաղաղապահների միջնորդությամբ ադրբեջանական Եվլախում կայացավ Արցախի ու Ադրբեջանի ներկայացուցիչների հանդիպումը։