![ԱԱԾ–ն զգուշացնում է կիբեռհարձակումների մասին. ովքե՞ր են թիրախում](https://auroranews.am/storage/img/base_image/old/d20bf773c04e8ec9bdf58f48d5a4217a.webp)
ԱԱԾ–ն զգուշացնում է կիբեռհարձակումների մասին. ովքե՞ր են թիրախում
![ԱԱԾ–ն զգուշացնում է կիբեռհարձակումների մասին. ովքե՞ր են թիրախում](https://auroranews.am/storage/img/base_image/old/d20bf773c04e8ec9bdf58f48d5a4217a.webp)
Սեպտեմբերի առաջին տասնօրյակից սկսած` համացանցի հայկական տիրույթում արձանագրվել է կիբեռհարձակումների զգալի աճ: Տեղեկությունը հայտնում է ՀՀ ազգային անվտանգության ծառայությունը։
Նշվում է, որ նկատվել են ապատեղեկատվության տարածման և տվյալների կորզման փորձեր, ինչպես նաև տեղեկատվական անվտանգության ռիսկեր պարունակող վնասաբեր այլ ակտիվություն։
«Թիրախավորվել են ինչպես ՀՀ պետական և տեղական ինքնակառավարման մարմինների, այնպես էլ ռազմավարական նշանակության օբյեկտների տեղեկատվական համակարգերը»,– ասված է հաղորդագրությունում։ ԱԱԾ–ն հորդորում է զգոնություն ցուցաբերել, խստորեն պահպանել մեդիագրագիտության տարրական կանոնները, իսկ համակարգչային միջադեպերի վերաբերյալ տեղեկությունները փոխանցել ՀՀ համակարգչային միջադեպերի արձագանքման պետական կենտրոն։