ՏԵՍԱՆՅՈՒԹ. Լևոն Քոչարյանը բերման է ենթարկվել. նրան հոսպիտալացնում են
Կարմիրբերետավորները ծեծի են ենթարկել ՀՀ երկրորդ նախագահ Ռոբերտ Քոչարյանի որդուն` Լևոն Քոչարյանին։ «Շտապօգնության բրիգադը Լևոն Քոչարյանին հոսպիտալացնում է»,– գրել է փաստաբան Ալեքսանդր Կոչուբաևը ֆեյսբուքյան էջում։
Նշենք, որ Երևանի տարբեր վարչական շրջաններում շարունակվում են անհնազանդության ակցիաները` ցուցարարները շարունակում են փողոցներ փակել։ Կարմիրբերետավորները, ուժ կիրառելով, բերման են ենթարկում ցուցարարների մի մասին։ Լրատվամիջոցների ֆիքսած կադրերում երևում է, որ ոստիկանները Լևոն Քոչարյանին բերման ենթարկելիս մեքենայի մեջ հարվածներ են հասցնում նրան։
