ՏԵՍԱՆՅՈՒԹ․ Իրանում անօդաչու թռչող սարք է ընկել․ կան վիրավորներ
Անօդաչու թռչող սարք է ընկել Գորգան քաղաքում, որը Իրանի հյուսիսային Գոլեստան նահանգի վարչական կենտրոնն է։ Այս մասին հայտնում է gazeta.ru-ն՝ հղում կատարելով իրանական IRNA գործակալությունը։
Նշվում է, որ գործակալության տվյալներով՝ Գորգանի բնակելի թաղամասերից մեկում ինքնաշեն անօդաչու թռչող սարքի նման անհայտ առարկա է ընկել։ IRNA-ն նշում է, որ քաղաքի բնակիչները լսել են ուժեղ պայթյունի ձայներ։
Գոլեստան նահանգի ոստիկանապետը հայտնել է, որ իրավապահները հաղորդումներ են ստացել քաղաքի մի քանի շրջաններում անհայտ առարկաների ընկնելու մասին։ Նրա խոսքով՝ իրավիճակը լիովին վերահսկվում է։
Գործակալությունը նշում է, որ պայթյունի ալիքը կոտրել է բնակելի շենքի և խանութի ապակիները։ Ոստիկանության տվյալներով՝ միջադեպի հետևանքով երկու մարդ վիրավորվել է։
