ՏԵՍԱՆՅՈՒԹ․ Ադրբեջանում կամուրջը փլուզվել է, ավտոմեքենան ընկել է գետը․ կան վիրավորներ
Ադրբեջանի հյուսիսում գտնվող Խաչմազի շրջանում կամուրջ է փլուզվել: Փլուզման հետևանքով երեք մարդ է տուժել։ Այս մասին տեղեկանում ենք հանրապետության ՆԳՆ մամուլի ծառայությունից։
«Նախնական տեղեկություններով՝ ԱԻՆ աշխատակիցները հատուկ միջոցների գործադրմամբ փրկել են երկու հոգու և հանձնել շտապօգնության խմբերին»,- ասվում է հաղորդագրությունում։
Ադրբեջանական լրատվամիջոցները նշում են, որ փլուզման հետևանքով ավտոմեքենան ընկել է գետը, երեք մարդ վիրավորվել է։ Նշվում է, որ կամրջի փլուզման պատճառը գետում ջրի մակարդակի բարձրացումն է եղել։
Ինչպես պարզաբանել է Ադրբեջանի պետական ավտոճանապարհային գործակալությունը, Գուդիալչայ գետի վրայով կամուրջը կառուցվել է 1974թ. Վարչությունը վարորդներին խնդրել է օգտվել այլընտրանքային ճանապարհից։
