ՏԵՍԱՆՅՈՒԹ․ Տեսախցիկը ֆիքսել է Օդեսայի շրջանի նավահանգստային ենթակառուցվածքի վրա հարվածի պահը
Ռուսական գիշերային հրետակոծության հետևանքով ոչնչացվել է Ռումինիայի հետ սահմանի անցակետը, որը նավահանգստային միակ անցագրային կետն է: Այս մասին տեղեկանում ենք BBC-ի ռուսական ծառայությունից։
Օդեսայի շրջանի իշխանությունները հաստատել են Օդեսայի շրջանի ռուսական գիշերային գնդակոծության հետևանքով Ռումինիայի հետ սահմանին գտնվող Օրլովկա անցակետի ոչնչացումը, խոսվում է նաև երկու վիրավոր վարորդների մասին։
Նավահանգստի ենթակառուցվածքի ոչնչացման պատճառով նրա աշխատանքը ժամանակավորապես դադարեցվել է։
Նշվում է, որ «Հարավ» հրամանատարության ներկայացուցիչ Նատալյա Գումենյուկը հայտնել է, որ Դանուբի մոտ մեքենաները հրդեհվել են սպասման և անցակետի գրանցման հատվածում։ Նրա խոսքով, սահմանը հատել պատրաստվող ավտոբուսի ուղևորների համար վտանգ կար։
Օդեսայի շրջանային ռազմական վարչակազմի ղեկավար Օլեգ Կիպերն ավելի վաղ հայտնել էր, որ ռուսական հարձակման արդյունքում վնասվել է անցակետի շենքը, պահեստները, մոտ 30 բեռնատար, հրդեհվել է վեց բեռնատար։
