Երկու տեղամասերի հանձնաժողովների միջև վիճաբանություն է տեղի ունեցել

7/37 և 7/38 տեղամասերի հանձնաժողովների միջև տեղի է ունեցել վիճաբանություն։ Այս մասին հայտնում է «Անկախ դիտորդ» թելեգրամյան ալիքը։

«Երկու տեղամասերը գտնվում են միևնույն տարածքում, և վեճ է ծագել տարածքը երկու տեղամասերի միջև բաժանելու թեմայով: Ընդհանուր առմամբ, նշված տարածքում իրավիճակը փոքր-ինչ լարված է՝ ծագող կազմակերպչական վեճերի պատճառով», - նշված է գրառման մեջ:

Հիշեցնենք, որ այսօր՝ սեպտեմբերի 17-ին՝ առավոտյան ժամը 08:00-ի դրությամբ, բացվել են Երևանի ողջ տարածքում ձևավորված 10 ընտրատարածքների 475 տեղամասերը: Քվեարկությունը կավարտվի ժամը 20:00-ին, որից հետո կսկսվի ձայների հաշվարկը: