Ղրիմում վաճառվել են ուկրաինացի օլիգարխների պետականացված առաջին 8 ունեցվածքնեը
Ղրիմում անցկացվել են 815 միլիոն ռուբլի արժողությամբ ուկրաինացի օլիգարխների ազգայնացված ունեցվածքի վաճառքի առաջին ութ աճուրդները, հայտնել է Ղրիմի խորհրդարանի ղեկավար Վլադիմիր Կոնստանտինովը Telegram-ի իր ալիքում։
Նրա խոսքով, այժմ բաց աճուրդներում տեղադրվել են ևս չորս բնակելի տարածքների վաճառքի մասին ծանուցումներ, որոնց վաճառքից հանրապետության բյուջե կարող է մուտքագրվել լրացուցիչ 27 մլն ռուբլի։
Ի թիվս այլ բաների, շուտով նախատեսվում է վաճառել ևս մոտ 100 պետականացված գույք, այդ թվում՝ բնակելի տարածքներ, ներառյալ Ուկրաինայի նախագահ Վլադիմիր Զելենսկու ընտանիքի բնակարանը, առողջարանային օբյեկտներ, մանրածախ և առևտրային տարածքներ։ Նրանցից Ղրիմի գանձարանը կարող է ստանալ ավելի քան 800 մլն ռուբլի։
Սա ուկրաինացի օլիգարխների ամբողջ ունեցվածքը չէ, որը նախատեսված է վաճառքի։ Այժմ հակաահաբեկչական հանձնաժողովը շարունակում է իր աշխատանքը, որը կարող է բացահայտել նոր օբյեկտներ. դրանք հետագայում կփոխանցվեն նոր սեփականատերերին, եզրափակել է Կոնստանտինովը։
