ՏԵՍԱՆՅՈՒԹ․ ՌԴ-ում բեռնատարը մխրճվել է հեծանվորդների ու նրանց ուղեկցող մեքենայի մեջ․ զոհերի թվում կարող է դեռահաս լինել

ՌԴ Վիբորգ քաղաքի մերձակայքում բեռնատարը մխրճվել է հեծանվորդների ու նրանց ուղեկցող մեքենայի մեջ. զոհերի թվում կարող է լինել դեռահաս։ Այս մասին գրում է Readovka թելեգրամյան ալիքը։

«Վիբորգի մերձակայքում գտնվող սկանդինավյան ուղին, որն ամենահայտնիներից է հեծանվային սպորտի սիրահարների շրջանում, այժմ լեփ-լեցուն է շտապօգնության մեքենաներով և ճանապարհային ոստիկանության աշխատակիցներով։ Այսօր առավոտյան բեռնատարը մխրճվել է այնտեղ գտնվող մարզիկների խմբի մեջ: Հավանաբար վարորդը չի տեղավորվել շրջադարձի մեջ ու թռել է հեծանվորդների ու նրանց ուղեկցող մեքենայի մեջ»,-ասվում է հրապարակման մեջ։

Ինչպես երևում են տեսադրերում, վթարված մեքենան և հեծանիվների բեկորները ցրված են ճանապարհի երկայնքով:

Նշվում է, որ զոհերի թիվը ճշտվում է։ Նախնական տվյալներով՝ մեկ մարդ մահացել է, որը կարող է լինել դեռահաս։