Նագասակի պրեֆեկտուրայի 22 հազար բնակիչներին խորհուրդ է տրվել տարհանել

Ճապոնիայի Նագասակի պրեֆեկտուրայում ավելի քան 22 հազար մարդու խորհուրդ են տվել տարհանել հորդառատ անձրեւների պատճառով։ Այս մասին հայտնում են տեղի լրատվամիջոցները։ 

Սասեբո քաղաքի մի քանի շրջաններում հայտարարվել է վտանգի մակարդակ՝ հինգից չորս։ Բնակչությանը կոչ է արվում պատսպարվել երկրորդ հարկից վեր և հնարավորության դեպքում ընտրել ամենաապահով վայրը՝ առանց փողոց դուրս գալու։

Պրեֆեկտուրային հարվածող երկարատև հորդառատ անձրևները մեծացնում են սողանքների և ջրհեղեղների վտանգը։