Երևանում աղբամանները շպրտած աշխատակիցները ենթարկվել են կարգապահական պատասխանատվության
Վերջերս համացանցում մի տեսանյութ էր տարածվել, որում երևում էր, թե ինչպես են Երևանի քաղաքապետարանի ենթակայությամբ գործող «Երևանի աղբահանություն և սանիտարական մաքրում» հիմնարկի աշխատակիցները աղբամանները շպրտում աղբատարի վրայից։ Factor.am-ը գրավոր հարցմամբ դիմել էր Երևանի քաղաքապետարան՝ պարզելու արդյո՞ք տվյալ աշխատակիցները պատասխանատվության ենթարկվել են։
«Համացանցում տեղ գտած կադրերը նկարահանվել են Արաբկիր վարչական շրջանի Կոմիտասի պողոտայում: Տեղադրված աղբամաններից «Երևանի աղբահանություն և սանիտարական մաքրում» համայնքային հիմնարկի աշխատակիցների կողմից իրականացվել են սահմանված կարգին հակասող, աղբահանության անփույթ աշխատանքներ: Հիմնարկի աղբահանության բաժնի տվյալ բանվորները ենթարկվել են կարգապահական պատասխանատվության՝ աշխատանքային պարտականությունները ոչ պատշաճ կատարելու և հանձնարարված աշխատանքի կատարման ընթացքում գույքին խնամքով չվերաբերվելու համար»,- լրատվամիջոցին հայտնել են քաղաքապետարանից։
Լրատվամիջոցի հարցին, թե 2023 թվականի ընթացքում քանի՞ աղբատար և աղբաման է ձեռք բերվել պատասխանել են․
«2023 թվականին ԵԱՍՄ համայնքային հիմնարկը ձեռք է բերել «MAZ 5904C2-012» մակնիշի չորս ավտոմեքնա»։
