Բուլղարիայի խորհրդարանը հանել է Ուկրաինայից հացահատիկի ներկրման արգելքը

Բուլղարիայի խորհրդարանը քվեարկել է սեպտեմբերի 15-ից հետո ուկրաինական հացահատիկի ներմուծման արգելքը հանելու օգտին։ 

«Բուլղարիան չի աջակցում 2023 թվականի սեպտեմբերի 15-ից հետո Ուկրաինայից ցորենի, եգիպտացորենի և արևածաղկի սերմերի ներմուծումն արգելող արտակարգ միջոցառման շարունակմանը»,- ասվում է հաղորդագրության մեջ։

Արգելքը հանելուն կողմ է քվեարկել 129 պատգամավոր, դեմ՝ 69, ձեռնպահ՝ 8:

Բուլղարիայի վարչապետ Նիկոլայ Դենկովը նշել է, որ սա իր հերթին կհանգեցնի հիմնական պարենային ապրանքների գների նվազմանը, որոնք կառավարության հիմնական առաջնահերթություններից են։