Վրաստանից արտահանվող դեղձի գլխավոր գնորդներից մեկը Հայաստանն է

2026 թվականի հունվար–հունիս ամիսներին Վրաստանից Ռուսաստան մատակարարվել է 433 տոննա դեղձ և նեկտարին՝ 582 հազար դոլար ընդհանուր արժեքով։ Այս մասին հաղորդում են  տեղական ԶԼՄ-ները։

Արտահանման ծավալով երկրորդ խոշոր ուղղությունը եղել է Հայաստանը, ուր ուղարկվել է 367 տոննա արտադրանք՝ 390 հազար դոլար արժեքով։

Մրգերի և բանջարեղենի արտահանողների ասոցիացիայի նախագահ Վախթանգ Բեժիտաշվիլին նշել է, որ ռուսաստանյան շուկայից կախվածությունը շարունակում է լուրջ ռիսկ մնալ վրացի արտադրողների համար։

Նրա կարծիքով, միակ երկարաժամկետ լուծումը արտահանման ուղղությունների դիվերսիֆիկացումն ու եվրոպական շուկաներ դուրս գալն է։