Դիտարկվում է Ադրբեջանի տարածքով ՀՀ, այնտեղից` Իրան էլեկտրաէներգիա մատակարարելու հնարավորությունը․ Շուլգինով
Մոսկվան դիտարկում է Ադրբեջանի տարածքով Հայաստան, այնտեղից էլ Իրան և այլ երկրներ 300 ՄՎտ էլեկտրաէներգիա մատակարարելու հնարավորությունը: Այս մասին ՌԻԱ Նովոստիին տված հարցազրույցում ասել է ՌԴ էներգետիկայի նախարար Նիկոլայ Շուլգինովը:
«Այժմ մենք դիտարկում ենք պարզապես Ադրբեջանի տարածքով Հայաստան, այնտեղից` Իրան, և, հնարավոր է, նաև այլ երկրներ էլեկտրաէներգիա մատակարարելու հնարավորությունը», - ասել է նա։
Նա նշել է, որ Մոսկվան առաջին փուլում Թեհրանի և Բաքվի հետ պայմանավորվում են օգտագործել առկա ենթակառուցվածքները։ Շուլգինովի խոսքով՝ նախագծի բոլոր մասնակիցները հետաքրքրություն ունեն այս հարցում։
