ՏԵՍԱՆՅՈՒԹ. «ԱԱԾ-ն ստուգում է Հայաստանում «վագներականների» մասին հրապարակումները». Փաշինյան

ԱԱԾ-ն ստուգում է Հայաստանում «վագներականների» մասին հրապարակումները: Այս մասին այսօր՝ սեպտեմբերի 13-ին, Ազգային ժողով-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը:

Փաշինյանն ասաց, որ Հայաստանի իրավապահ մարմինները պարտավոր են արձագանքել մամուլում հայտնված  հրապարակումներին. «Ինչքան տեղյակ եմ` նման հրապարակում եղել է տելեգրամյան ալիքներով, ԱԱԾ-ն ստուգում է հրապարակված տեղեկատվությունը»:

Հարցին, թե մտավախություն ունի՞ արդյոք, որ Ռուսաստանը Հայաստանում կարող է հեղափոխություն անել, նա արձագանքեց` Հայաստանում հեղափոխություն կարող է անել միայն ՀՀ ժողովուրդն ու հայ ժողովուրդն այդ հեղափոխությունն արել է:

Նշենք, որ «Բաղրամյան-26» Telegram ալիքում հաղորդագրություն էր հրապարակվել այն մասին, որ Կրեմլը հեղաշրջում է նախապատրաստում Հայաստանում։ Ալիքի տվյալներով՝ Պրիգոժինի մահվան պահին Հայաստանում կար «Վագների» մոտ 3000 մարտիկ։