Հեռավոր Արևելքի զարգացումը 21-րդ դարում ՌԴ-ի համար ռազմավարական առաջնահերթություն է. Պուտին
Հեռավոր Արևելքի զարգացումը 21-րդ դարում Ռուսաստանի համար ռազմավարական առաջնահերթություն է, ասել է ՌԴ նախագահ Վլադիմիր Պուտինն Արևելյան տնտեսական ֆորումի լիագումարի նիստում:
«Հեռավոր Արևելքի դաշնային օկրուգը կազմում է Ռուսաստանի Դաշնության տարածքի 40%-ը։ Այստեղ են մեր անտառների և ոսկու պաշարների գրեթե կեսը, ձկների, ադամանդների ավելի քան 70%-ը, տիտանի, պղնձի և այլնի ավելի քան 30%-ը: Գործում են կարևորագույն ռազմավարական ձեռնարկությունները, ծովային նավահանգիստները և երկաթուղիները։ Հեռավորարևելյան տարածաշրջանի արագ զարգացումը մեր բացարձակ առաջնահերթությունն է ողջ 21-րդ դարի համար»։
Նախագահը նաև հավելել է, որ Հեռավոր Արևելքում ներդրումների դինամիկան երեք անգամ ավելի արագ է, քան ազգային ցուցանիշը։
