Հասմիկ Պողոսյանը և իր ընտանիքի անդամները հրավիրվել են Ապօրինի գույքի բռնագանձման վարչություն. «Հետք»

Մշակույթի նախկին նախարար Հասմիկ Պողոսյանն ու ընտանիքի անդամները հրավիրվել են Գլխավոր դատախազության ապօրինի ծագում ունեցող գույքի բռնագանձման գործերով վարչություն: Այս մասին գրում է «Հետք»–ը:

Նշվում է, որ նախկին նախարարին, ամուսնուն, երկու որդուն պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր: 

«Ուսումնասիրվում է նաև Բրիտանական Վիրջինյան կղզիներում, այսինքն՝ օֆշորային գոտում գրանցված «Օշըն Փըսիֆիք Գլոբըլ Փրոփըրթիզ Լիմիթիդ» ընկերության գույքը: Նախարարի ընտանիքին հրավիրում են դատախազություն, որպեսզի ծանոթանան գործի նյութերին, ներկայացնեն դիրքորոշում:

Այդ շրջանակներում իրականացվել է նաև «Արտասահմանյան երկրների հետ մշակութային կապի և համագործակցության հայկական ընկերություն» ՀԿ նախագահության անդամ, ինչպես նաև նույն ՀԿ-ի հիմնադրած «ԱՕԿՍ» ՍՊԸ-ի տնօրեն Գոռ Դավթյանի մոր՝ Ադելա Ստեփանյանի գույքի վերաբերյալ ուսումնասիրություն: Վերջինս ևս հրավիրվել է դատախազություն»,– գրում է կայքը: