ՌԴ Կուրսկի մարզում ուկրաինական երկու անօդաչու թռչող սարք է վնասազերծվել, հայտնել է շրջանի ղեկավար Ռոման Ստարովոյտը։ 

Նահանգապետի խոսքով՝ միջադեպերը տեղի են ունեցել սեպտեմբերի 3-ին Ռիլսկի շրջանի Կոզինո գյուղի մերձակայքում գտնվող սահմանամերձ շրջաններում և մարզի Սուդժանսկի շրջանի Գորնալ գյուղի մոտ։ 

Երկու անօդաչու թռչող սարքերն էլ հայտնաբերվել են ռադիոէլեկտրոնային պայքարի համալիրների օգնությամբ։ Ստարովոյտը հավելել է, որ զոհեր և վիրավորներ չկան։ 

Ավելի վաղ Բելգորոդի մարզի ղեկավար Վյաչեսլավ Գլադկովը հայտնել էր, որ սեպտեմբերի 3-ի ցերեկը Բելգորոդի մերձակայքում հակաօդային պաշտպանության համակարգ է գործարկվել, և մեկ անօդաչու թռչող սարք քաղաքին մոտենալիս խոցվել է։ Զոհերի և ավերածությունների մասին նույնպես տեղեկություններ չեն ստացվել։ 

Բելգորոդի մարզում անօդաչու թռչող սարքի հարձակումը հաստատել է ՌԴ պաշտպանության նախարարությունը։ 

Ռուսաստանի սահմանամերձ շրջանները, առաջին հերթին, Բելգորոդի, Կուրսկի և Բրյանսկի մարզերը պարբերաբար ենթարկվում են գնդակոծությունների և անօդաչու սարքերի հարձակումների։