Զելենսկին աշխատանքից ազատել է երկրի ՊՆ ղեկավարին. հայտնի է` ով կփոխարինի նրան

Ուկրաինայի նախագահ Վլադիմիր Զելենսկին աշխատանքից ազատել է Ուկրաինայի պաշտպանության նախարարին: 

Այժմ Ալեքսեյ Ռեզնիկովի փոխարեն նախարարությունը կգլխավորի  պետական գույքի հիմնադրամի ղեկավար Ռուստեմ Ումերովը։ 

«Ես որոշել եմ փոխել Ուկրաինայի պաշտպանության նախարար Ալեքսեյ Ռեզնիկովին։ Այս շաբաթ խորհրդարանին կառաջարկվի կադրային որոշում կայացնել։ Նախարարությունը պետք է գլխավորի Ռուստեմ Ումերովը»,- ասել է Զելենսկին։ 

Նշենք, որ, ըստ ռուսական թելեգրամյան ալիքների, Ումերովը Ղրիմի թաթար և սուննի մահմեդական է, ով անձնական կապեր ունի Թուրքիայում և մասնակցել է Զելենսկի-Էրդողան հիմնական բանակցություններին՝ «հացահատիկի գործարքից» մինչև  «Ազովի» հրամանատարների վերադարձը Ուկրաինա։