«Դա վտանգավոր քայլ է». Լուկաշենկոն պատասխանել է Լեհաստանի և Բալթյան երկրների պահանջներին

Լեհաստանի և Բալթյան երկրների պահանջները՝ դուրս բերել «Վագներ» մասնավոր ռազմական ընկերության մարտիկներին Բելառուսից, հիմար են և անհիմն, հայտարարել է հանրապետության նախագահ Ալեքսանդր Լուկաշենկոն։

Նա նշել է, որ Լեհաստանի և Բալթյան երկրների ղեկավարությունը հիստերիա է հրահրում Բելառուսում «Վագներ» մասնավոր ռազմական ընկերության մարտիկների առկայության վերաբերյալ, մինչդեռ իրենք են մեծացնում ռազմական բյուջեն և կենտրոնացնում խոշոր ռազմական կազմավորումները Բելառուսի սահմաններին։

«Նրանք հասել են նրան, որ արդեն պահանջում են իրենց անհապաղ դուրս գալ Բելառուսից։ Դրանք անհիմն և հիմար պահանջներ են»,- Լուկաշենկոյի խոսքերն է մեջբերում BelTA գործակալությունը։

Լուկաշենկոն նաև ուշադրություն է հրավիրել այն փաստի վրա, որ Վարշավան հայտարարել է Բելառուսի հետ կապված Եվրոպայում սովորական զինված ուժերի մասին պայմանագիրը չկատարելու որոշման մասին. փաստորեն, այս փաստաթուղթը վերջին իրավաբանորեն պարտավորեցնող միջազգային ակտն է սպառազինությունների վերահսկման ոլորտում։ Բելառուսի ղեկավարն ընդգծել է, որ դա վտանգավոր քայլ է։