Նավթի արտահոսք` Պարսից ծոցի Իրանի հատվածում
Նավթի արտահոսք է տեղի ունեցել Պարսից ծոցի իրանական ջրերում՝ Իրանի հարավում գտնվող Գենավե նավահանգստից մինչև իրանական Խարկ կղզի ձգվող նավթամուղի տարածքում, հայտնել է երկրի Բուշեհր նահանգի շրջակա միջավայրի պահպանության կազմակերպությունը։
«Գենավեից Խարկ ծովային ճանապարհին Պարսից ծոցում նավթի հետքեր հայտնաբերելուց հետո արտահոսքի մասին զեկուցվել է Իրանի նավահանգիստների և ծովային նավագնացության գլխավոր տնօրինությանը, ինչպես նաև Խարկ կղզու նավթային տերմինալին՝ արտահոսքը տեղայնացնելու համար»,- ասվում է հաղորդագրությունում։
