Ֆուկուսիմայի ռադիոակտիվ ջուրը բա՞ց կթողնեն. Ճապոնիայի դեսպանը կանչվել է Չինաստանի ԱԳՆ
Չինաստանի փոխարտգործնախարար Սուն Վեյդոնգը Ճապոնիայի դեսպան Հիդեո Տարումիին կանչել է ԱԳՆ՝ կապված «Ֆուկուսիմա-1» ատոմակայանի ռեակտորների սառեցման համար օգտագործվող ջուրը թափելու Ճապոնիայի կառավարության որոշման հետ, հայտնում են չինական լրատվամիջոցները:
ԶԼՄ–ները հայտնում են, որ դեսպանին լրջորեն անդրադառնալու են Ֆուկուսիմայում աղտոտված ռադիոակտիվ ջուրը բաց թողնելու ճապոնական կառավարության ծրագրին:
Ավելի վաղ հայտնի էր դարձել, որ Ճապոնիայի իշխանությունների որոշումը լայնածավալ դժգոհություն է առաջացրել ձկնարդյունաբերության ոլորտում, ովքեր մտավախություն ունեին, որ սպառողները կհրաժարվեն այդ տարածքում որսված ցանկացած ծովամթերքից։
