Ինչ եղանակ սպասել առաջիկա օրերին

Այսօր կեսօրից հետո Հայաստանի առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է կարկուտ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Ամպրոպի ժամանակ քամու ուժգնությունը կարող է հասնել 18-22 մ/վրկ արագության։

Օդի ջերմաստիճանը կշարունակի նվազել, սակայն օգոստոսի 22-24-ը կրկին կբարձրանա 3-4 աստիճանով։

Այսօր և առաջիկա երկու օրերին Երևանի առանձին հատվածներում հնարավոր է կարճատև անձրև և ամպրոպ երեկոյան ժամերին։ Այդ ժամանակ նաև քամու ուժգնացում է սպասվում` 15-18մ/վրկ։ Օգոստոսի 23-ին և 24-ին առանց տեղումների եղանակ կլինի։

Այսօր մայրաքաղաքում ցերեկային ժամերին կգրանցվի 32-34, գիշերը` 19-21 աստիճան տաքություն։