Ուկրաինան ժամանակավոր ծովային միջանցքներ է ստեղծել Սև ծովի տարածքում

Ուկրաինայի ենթակառուցվածքների զարգացման նախարարի առաջին տեղակալ Վասիլի Շկուրակովը նամակ է հղել ՄԱԿ-ի միջազգային ծովային կազմակերպությանը։ Ըստ Reuters-ի՝ տեքստում ասվում է, որ Ուկրաինան որոշել է ժամանակավոր ծովային ճանապարհ ստեղծել հացահատիկի տեղափոխման համար այն բանից հետո, երբ Ռուսաստանը դուրս է եկել հացահատիկի գործարքից:

Նոր երթուղու նպատակն է աջակցել Սև ծովի հյուսիս-արևմտյան մասում միջազգային երթևեկության ապաշրջափակմանը:

ՌԴ ՊՆ-ում նշել են, որ միջանցքով անցնող յուրաքանչյուր նավ կդիտարկվի որպես ռազմական օբյեկտ: Նման նավերի դրոշակակիր երկրները կհամարվեն Ուկրաինայի կողմից հակամարտության մեջ ներգրավված:

Հուլիսի 17-ին Ռուսաստանը հայտարարեց, որ դուրս է գալիս հացահատիկի գործարքից, քանի դեռ չի կատարվել դրա պայմանները: Այդ կապակցությամբ ռուսական կողմը հետ է կանչել նավարկության անվտանգության երաշխիքները, կրճատել է ծովային հումանիտար միջանցքը և վերականգնել ժամանակավորապես վտանգավոր տարածքի ռեժիմը Սև ծովի հյուսիս-արևմուտքում։