Ադրբեջանում Իսպանիայի գործերի ժամանակավոր հավատարմատարը կանչվել է ԱԳՆ Արցախի մասին գրառման համար
Ադրբեջանում Իսպանիայի գործերի ժամանակավոր հավատարմատար Պատրիսիա Սերանո Սանչեսը կանչվել է Ադրբեջանի Հանրապետության արտաքին գործերի նախարարություն՝ կապված X սոցիալական ցանցում հրապարակման հետ, որում նշվում է Եվրոպական միության և Իսպանիայի Թագավորության համագործակցության մասին՝ ի աջակցություն Արցախին։
Հանդիպմանն ընդգծվել է, որ «Իսպանիայի Թագավորության արտաքին գործերի, Եվրամիության և համագործակցության նախարարության «X» սոցիալական ցանցում հրապարակումը, որը քարոզում է «Ադրբեջանի ինքնիշխան տարածքում Հայաստանի կողմից հաստատված անօրինական անջատողական ռեժիմը», «անընդունելի է, և տարակուսելի է», որ «այս քայլն արվել է Իսպանիայի նման երկրի կողմից, որը պայքարում է իր տարածքում անջատողականության դեմ»։
Ադրբեջանի ԱԳՆ-ում հայտնել են նաև, որ «այս ոչ կառուցողական մոտեցումը չի համապատասխանում ադրբեջանա-իսպանական հարաբերությունների ոգուն», և ադրբեջանական կողմը դա «խստորեն դատապարտում է»։
