Օդեսայում տեղի ունեցածի հետևանքով տուժածների թվում ՀՀ քաղաքացիներ չկան. ԱԳՆ

Օդեսայում այսօրվա իրադարձությունների հետևանքով տուժածների թվում ՀՀ քաղաքացիներ չկան: Այս մասին տեղեկացնում է ՀՀ ԱԳՆ մամուլի քարտուղար Անի Բադալյանը:

«Օդեսայում Հայաստանի Հանրապետության գլխավոր հյուպատոսությունը շարունակում է աշխատանքն իր գործառույթների ողջ ծավալով՝ իրականացնելով ՀՀ քաղաքացիների ընդունելություն»,– նշվում է հաղորդագրության մեջ: 

Ուկրաինայի ներքին գործերի նախարար Իգոր Կլիմենկոյի խոսքով՝ բացի հիպերմարկետից և համալսարանական հանրակացարանից, ինչի մասին ավելի վաղ հայտնել էին մարզային իշխանությունները, գիշերային հարձակումների հետևանքով տուժել են բազմաբնակարան շենքեր, դեղատուն և մեքենաներ։ Ուկրաինայի Զինված ուժերի ռազմաօդային ուժերը ավելի վաղ հայտարարել էին, որ խոցել են բոլոր թիրախները՝ 15 «Շահեդ-136/131» հարվածային անօդաչու թռչող սարք և ութ «Կալիբր» թեւավոր հրթիռ։

Ավելի վաղ հայտնել էինք, որ օգոստոսի լույս 14-ի գիշերը խոցված հրթիռների բեկորների անկման հետևանքով հրդեհներ են բռնկվել Օդեսայի երկու օբյեկտներում։ Մասնավորապես, հրդեհ է բռնկվել հիպերմարկետում․ երեք մարդ տուժել է։