ՏԵՍԱՆՅՈՒԹ. Հայկ Մարության, այ «գանդիկ», ես քեզ փչացնելու եմ. Եկմալյան փողոցում բնակելի տուն է փլուզվել. «Հրապարակ»

Գիշերը Եկմալյան փողոցում՝ «Օրրանի» հարևանությամբ, բնակելի տուն է փլուզվել։ Այս մասին հայտնում է «Հրապարակ» օրաթերթը:

Երբ թերթի լրագրողը հասել է Եկմալյան, այնտեղ են եղել նաև փրկարար ծառայության աշխատակիցները։ Տեղում Եկմալյան փողոցում բնակվող Անի Խուդավերդյանը ցույց է տվել պատը, որը գիշերվա ընթացքում փլվել է։ Խուդավերդյանն ասել է, որ այդ փողոցի բնակելի տների հարցով դիմել է գրեթե բոլոր պետական մարմիններին՝ քաղաքապետներին, նույնիսկ Աննա Հակոբյանն է տեղյակ:

«Սա Աննա Հակոբյանն էլ ա տեսել, սա Նիկոլն էլ ա տեսել, Հայկ Մարությանի օրոք․․․, անգամ չընդունեց, Մեսչյանն է տեղյակ այս ամեն ինչից։ Քանի՞ հատ քաղաքապետ է անցել, մենք փոխել ենք 7 քաղաքապետ, 5 վարչապետ, 5 նախագահ, ու լուծում չի ստացել այս հարցը։ Այս թղթերը ես տարել եմ քաղաքապետարան, որ սա 1865 թվականի շինություն է: Հիմա Հայկ Մարությանը իր թեկնածությունը դնում է, նա երբ ընդունվեց՝ 2018 թվականից, դիմել եմ, ամբողջ բողոքները․․․, իրենց կամպյուտերների մեջ ամբողջը մեր բողոքներն է, անկանջալուր չեղավ Հայկ Մարությանը, ու հիմա դրել ա իր թեկնածությունը էդ գանդիկը, երևի կհիշեք, որ Գանդիկի արձանը բերեց կառուցեց ( Նկատի ունի Մահաթմա Գանդիի արձանը Կ․Ս․), հիմա նորից նույն «գանդիկը» հետ է գալիս»,- ասել է քաղաքացին։