«Շուկայում հայտնված ձուկն ինչքանո՞վ է համապատասխանում սննդի անվտանգության կանոններին». Փաշինյան

Խոսելով ձկնաբուծարանների՝ փակ ցիկլի անցնելու վերաբերյալ կառավարության՝ 2024թ. ուժի մեջ մտնող որոշման մասին՝ վարչապետը նշել է, թե համաձայն չի հնչած մտահոգություններին, որ ձկնաբուծարանները կսնանկանան։

Այս համատեքստում նա կարևորել է սննդի անվտանգությունը. «Մենք մեզ պետք է հարց տանք՝ էդ ձկնաբուծարաններում, երբ ձկան բտման պրոցես է տեղի ունենում, շուկայում հայտնված արտադրանքը ինչքանո՞վ է համապատասխանում սննդի անվտանգության կանոններին, դա ի՞նչ ազդեցություն է ունենում մեր առողջապահական համակարգի ծանրաբեռնվածության վրա»,- ասել է նա։

Ըստ Փաշինյանի՝ պետք է դուրս գալ պատանդի կարգավիճակից. մեկ ու կես տարի առաջ կայացվել է որոշում, և ձկնաբույծները ժամանակ են ունեցել ներդրումներ կատարել. «Իսկ ո՞վ է ասել, որ պետք է եկամուտներ ստանան, կասկածելի արտադրանք թողարկեն շուկա, հետո էլ անընդհատ շանտաժ անեն, թե կսնանկանան, էս կանեն, էն կանեն։ Ձեր ռիսկն ա։ Հասկանում եմ, որ պետությունը պետք է տնտեսությանն աջակցի»։

Նա ասել է, թե ոչ մեկը չի հաշվել, թե պետությունն ինչքան է ծախսում ջրի վրա, և որքան ձուկ է արտադրվում. «Արտադրված ձկան ու վատնվող ջրի հաշվարկ ոչ մեկը չի արել»։

Ըստ նրա՝ տասնյակ տարիներ են պետք ջրային բալանսը վերականգնելու համար։