Ֆրանսիան մտադիր է արգելափակել միջուկային ռեակտորների դետալների վաճառքն ԱՄՆ-ին

Ֆրանսիան ուսումնասիրում է գործողությունների տարբերակները, որպեսզի միջուկային ռեակտորների համար սարքավորումների մատակարար Velan SAS տեղական ընկերությունը չընկնի ԱՄՆ-ի ձեռքը, հայտնում է Bloomberg գործակալությունը՝ վկայակոչելով իր աղբյուրներին:

Հաղորդվում է, որ մոտ 247 միլիոն դոլար արժողությամբ գործարքի շրջանակներում Flowserve-ը նախատեսում էր ստանձնել Կանադայում տեղակայված Velan Inc ընկերության ֆրանսիական ստորաբաժանումը, որը Ֆրանսիայում զբաղվում է ատոմային էլեկտրակայանների աշխարհի խոշորագույն օպերատորներից մեկի՝ Électricité de France-ի մասերի մատակարարմամբ: Գործարքը պետք է փակվեր երկրորդ եռամսյակի վերջում, սակայն հետաձգվեց։
 

«Փարիզը... կարող է կամ արգելափակել դրա գնումը, կամ սահմանափակումներ սահմանել», - հայտնում են աղբյուրները՝ նշելով, որ որոշումը սպասվում է մոտ ապագայում։

Գործակալությունը նշում է, որ ֆրանսիացի մի շարք պատգամավորներ մտահոգություն են հայտնել ամերիկյան Flowserve ընկերության կլանման հնարավորության և Ֆրանսիայում բիզնեսի վրա այդ գործարքի ազդեցության կապակցությամբ: