ՏԵՍԱՆՅՈՒԹ․ Ահաբեկչություն Պակիստանում․ զոհվել է 44 մարդ, վիրավորվել՝ ավելի քան 100-ը
Առնվազն 44 մարդ է զոհվել, ավելի քան 100-ը` վիրավորվել Պակիստանի հյուսիս-արևմուտքում գտնվող Խայբեր Փախտունխվա նահանգում իշխող կոալիցիայի՝ Իսլամական գիտնականների ասամբլեայի համագումարում մահապարտ ահաբեկչի պայթյունի հետևանքով։ Այս մասին հայտնում է Dawn թերթը՝ վկայակոչելով Խայբեր Պախտունխվա նահանգի առողջապահության նախարար Ռիազ Անվարին։
«Դա մահապարտի հարձակում էր»,- ասել է նա,- «ահաբեկիչն իրեն պայթեցրել է անմիջապես բեմի մերձակայքում»։
Ավելի վաղ Geo News հեռուստաալիքը հայտնել էր հարձակման հետեւանքով 40 զոհի և ավելի քան 200 վիրավորի մասին։ Նրանք գտնվում են տարբեր ծանրության վիճակում և հոսպիտալացվել են։
Պայթյունը տեղի է ունեցել տեղական ժամանակով 16։00-ի սահմաններում (Երևանի ժամանակով 15։00-ին), երբ կուսակցության առաջնորդներից մեկը զրուցել է համախոհների խմբի հետ՝ ընդհանուր մոտ 400 մարդ, ավելացրել են իրավապահ մարմինները։
Պակիստանի վարչապետ Շահբազ Շարիֆը հրամայել է հետաքննել միջադեպը և գտնել մեղավորներին, նշում է Geo News-ը։
