ԱՄՆ-ն լրացուցիչ ռազմական ուժեր է կուտակում Իրանում. Բեսենթ

 ԱՄՆ ֆինանսների նախարարը Fox News-ին տված հարցազրույցում հայտարարել է, որ ԱՄՆ նախագահը կարծում է, որ իրանական միջուկային օբյեկտներին ԱՄՆ-ի հարվածներից հետո ԱՄՆ-ն կարող է բանակցել Թեհրանի հետ շատ ավելի բարենպաստ գործարքի շուրջ, սակայն այս հարցի վերաբերյալ որոշումը մնում է Իրանի իշխանությունների վրա։

Նա նաև պնդել է, որ Իրանը, հասկանում է միայն «կոպիտ ուժ, թե՛ ֆինանսական շուկաներում, թե՛ ռազմական ոլորտներում»։

Փետրվարի 11-ին ԱՄՆ փոխնախագահ Ջ.Դ. Վենսը հայտարարել է, որ Թրամփը մտադիր է համաձայնության գալ Իրանի հետ, որը կերաշխավորի Թեհրանի միջուկային զենքի չտարածումը։

Փետրվարի 6-ին Իրանը և Միացյալ Նահանգները Օմանի մայրաքաղաքում բանակցություններ են վարել Իսլամական Հանրապետության միջուկային ծրագրի վերաբերյալ։ Հանդիպումը առաջինն էր 2025 թվականի հունիսին Իրան-Իսրայել հակամարտության սրման պատճառով երկարատև դադարից հետո։ Մինչ այդ Իսլամական Հանրապետությունը և Միացյալ Նահանգները խորհրդակցությունների հինգ փուլ էին անցկացրել։