Հարցաքննել են Անապայի տեխնիկումում կրակոցներ իրականացրած ուսանողին
Ռուսաստանի Քննչական կոմիտեն դատարանին միջնորդություն կներկայացնի Անապայի արդյունաբերական տեխնիկումում տեղի ունեցած հարձակման մեջ կասկածվող երիտասարդին կալանավորելու վերաբերյալ։ Այս մասին տեղեկացրել է գերատեսչության մամուլի ծառայությունը։
Քննչական մարմնի փոխանցմամբ՝ կասկածյալն արդեն հարցաքննվել է։ Նրան առաջադրվում են մեղադրանքներ սպանության, երկու և ավելի անձանց սպանության փորձի, ինչպես նաև զենքի հափշտակության հոդվածներով։ Քրեական գործը հարուցվել է Ռուսաստանի Դաշնության քրեական օրենսգրքի համապատասխան դրույթներով։
Դեպքը տեղի է ունեցել նախօրեին։ Հարձակման հետևանքով տուժել են երեք անձ՝ անչափահաս ուսանող, ուսումնական հաստատության աշխատակից և պահպանության ծառայության ներկայացուցիչ։ Բոլորը տեղափոխվել են հիվանդանոց, սակայն 55-ամյա տղամարդու կյանքը փրկել չի հաջողվել:ծ
