Արևմուտքը փորձում է ուժեղացնել ազդեցությունը Հարավային Կովկասում. ՀԱՊԿ

Արևմտյան երկրները փորձում են ընդլայնել իրենց ազդեցությունը Հարավային Կովկասում: Այս մասին հայտարարել է ՀԱՊԿ միացյալ շտաբի պետ Անդրեյ Սերդյուկովը։

Նրա խոսքով՝ Կովկասյան տարածաշրջանում իրավիճակը շարունակում է մտահոգիչ մնալ։ Սերդյուկովը նշել է, որ առկա են ինչպես երկար տարիներ չլուծված հակասություններ, այնպես էլ նոր աշխարհաքաղաքական մարտահրավերներ, որոնք ազդում են ընդհանուր կայունության վրա։

Բրյուֆինգի ընթացքում նա ընդգծել է, որ տարածաշրջանային լարվածության աճին նպաստում են նաև Արևմուտքի փորձերը՝ ամրապնդելու դիրքերը Հարավային Կովկասում։

Սերդյուկովը հավելել է, որ ստեղծված պայմաններում անհրաժեշտ է շարունակել համատեղ ջանքերը՝ անվտանգային միջավայրի պահպանման նպատակով։