76537 քաղաքացի 2025թ. հայտարարագրման արդյունքում ստացել է 6 մլրդ 200 մլն դրամի սոցիալական կրեդիտ. Նիկոլ Փաշինյան
Միջինում մեկ հայարարատուն ստացել է 81 հազար դրամ։ 76537 քաղաքացի 2025թ. հայտարարագրման արդյունքում ստացել է 6 մլրդ 200 մլն դրամի սոցիալական կրեդիտ: Այս մասին կառավարության նիստի ժամանակ հայտարարել է վարչապետ Նիկոլ Փաշինյանը։
Նիկոլ Փաշինյանի խոսքով, հայտարարագրման համակարգը կօգնի սոցիալական քաղաքականությունն ավելի հասցեական դարձնելուն.
«Գուցե կլինեն խավեր, որ մեծ եկամուտներ ունեն, և նրանց ասվի՝ տարեկան 100.000 դրամ սոցիալական կրեդիտ ենք ձեզ վերադարձնում, այնքան էլ տրամաբանական չէ։ Այդ խավերի համար նախատեսված սոցիալական կրեդիտները հետագայում կարգավորումներով կվերաուղղենք այն շերտերի ու խավերի ուղղությամբ, որ դրանց կարիքն ավելի շատ ունենք»,- հավելել է վարչապետը։
