Պատրաստ ենք օգնել Հայաստանին և Ադրբեջանին խաղաղության պայմանագրի հստակեցման հարցում. Լավրով

Պատրաստ ենք օգնել Հայաստանին և Ադրբեջանին խաղաղության պայմանագրի հստակեցման հարցում: Այս մասին հայտարարել է ՌԴ արտգործնախարար Սերգեյ Լավրովը:

Ռուսաստանը հետաքրքրված է Հարավային Կովկասում խաղաղության հաստատմամբ, ենթակառուցվածքների ապաշրջափակմամբ։ Այս մասին Մոսկվայում մեկնարկած Ռուսաստանի, Հայաստանի և Ադրբեջանի ԱԳ նախարարների հանդիպմանը ասաց ՌԴ ԱԳ նախարարը։

Առաջարկում եմ տեսակետներ փոխանակել, թե ուր է հասել խաղաղ կարգավորման գործընթացը։ Մենք պատրաստ ենք օգնել Հայաստանին և Ադրբեջանին խաղաղության պայմանագրի հստակեցման հարցում` օգտագործելով մեր փորձը` նկատի ունենալով, որ մենք կառուցողական մթնոլորտում կքննարկենք հարցերը։