«Ես դատապարտում եմ Ռուսաստանի միակողմանի որոշումը». Ստոլտենբերգ

ՆԱՏՕ-ի գլխավոր քարտուղար Յենս Ստոլտենբերգը դատապարտել է Ռուսաստանի Դաշնության որոշումը՝ դադարեցնել մասնակցությունը Սևծովյան հացահատիկի նախաձեռնությանը։ Նա իր հայտարարությունը հրապարակել է Twitter-ում։

«Ես դատապարտում եմ Ռուսաստանի միակողմանի որոշումը՝ դուրս գալ Սևծովյան հացահատիկի նախաձեռնությունից՝ չնայած մեր դաշնակից Թուրքիայի և ՄԱԿ-ի ջանքերին: Ուկրաինայի դեմ Ռուսաստանի անօրինական պատերազմը շարունակում է վնասել միլիոնավոր խոցելի մարդկանց ամբողջ աշխարհում»,- ասվում է ուղերձում։

Հիշեցնենք, որ Ռուսաստանը հայտարարել էր նավագնացության անվտանգության երաշխիքները հետ կանչելու մասին «Սևծովյան հացահատիկի նախաձեռնության» շրջանակներում, որը դադարեցրել էր գործունեությունը երկուշաբթի՝ հուլիսի 17-ին։