ՏԵՍԱՆՅՈՒԹ. Հյուսիսային Օսիայում մարդատար գնացքը բախվել է գարեջուրով բեռնված բեռնատարին

Հյուսիսային Օսիայում Մոսկվա-Վլադիկավկազ գնացքը բախվել է բեռնատարին: Այս մասին հայտնում է ՌԴ ԱԻՆ Հյուսիսային Օսիա-Ալանիայի գլխավոր տնօրինության Telegram ալիքը։

РИА Новости-ի փոխանցմամբ՝ բեռնատարը բարձված է եղել գարեջրի տակառներով։

Վթարի պատճառը, ըստ ԱԻՆ-ի՝ ճանապարհին բեռնատարի դուրս գալն է եղել։ Գնացքը կհետաձգվի մոտ 2 ժամով, ընդգծել են գերատեսչությունում։

Միջադեպը տեղի է ունեցել հուլիսի 14-ին, ժամը 8:00-ին: Բեռնատարի վարորդը դուրս է եկել կարգավորվող մակարդակի անցումով` հանդիպակաց գնացքի դիմաց: Վարորդը վթարային արգելակում է կիրառել, սակայն հեռավորությունը, ըստ ԱԻՆ-ի, անբավարար է եղել, և բախումից խուսափել չի հաջողվել։

Բեռնատարի վարորդը հոսպիտալացվել է, գնացքի ուղեւորներից մեկին եւս անհրաժեշտ է եղել բուժօգնություն, որը նրան ցուցաբերվել է տեղում։