ՏԵՍԱՆՅՈՒԹ. Թուրքիայում հորդառատ անձրևներից հետո փլուզվել է Օրդու-Սիվաս մայրուղու մի մասը
Թուրքիայում հորդառատ անձրևների պատճառով փլուզվել է Օրդու-Սիվաս մայրուղու մի հատվածը, որը միացնում է Սև և Միջերկրական ծովերը, հայտնում են տեղի լրատվամիջոցները:
Փլուզման հետևանքով զոհեր և վիրավորներ չկան։ Օրդու նահանգի նահանգապետ Թունջայ Սոնելը հայտնել է, որ Օրդու-Սիվաս մայրուղին երկու ուղղություններով փակ է երթեւեկության համար։
Թուրքիայում հորդառատ անձրեւները սկսվել են հուլիսի 8-ի երեկոյան եւ շարունակվում են մինչ օրս։ Այս ընթացքում առնվազն 32 բնակելի շենք և 35 տրանսպորտային միջոց է տուժել ջրհեղեղների և սողանքների հետևանքով, ասվում է Օրդուի նահանգապետի կայքում տեղադրված հաղորդագրության մեջ։ Տարածաշրջանում աշխատանքներ են տարվում վնասի գնահատման և ենթակառուցվածքների վերականգնման ուղղությամբ։
