Վրաստանից ՀՀ գնացքների երթևեկությունը վերականգնվել է
«Վրացական երկաթուղիներ» ընկերության Բաթում–Երևան ուղերթ իրականացնող գնացքը, որը նախօրեին սողանքի պատճառով չէր կարողացել հասնել մեկնման կետ, այսօր ժամը 15-ին կժամանի Երևան։ Տեղեկությունը Sputnik Արմենիային հայտնեցին երկաթուղային կենտրոնական կայարանից։
Երևանից Բաթում գնացքը կմեկնի ըստ չվացուցակի` այսօր տեղական ժամանակով 14:00-ին։
Հիշեցնենք՝ հայտնել էինք, որ Բաթումի–Երևան գնացքը սողանքի պատճառով մնացել էր ճանապարհին:
«Հայտնի չէ, թե երթևեկությունը երբ կվերականգնվի։ Եթե անգամ երթևեկությունը վերականգնվի, անվտանգության նկատառումներից ելնելով` այս պահին ուղևորների տեղաշարժը նպատակահարմար չէ», – ասված էր հաղորդագրության մեջ:
