Բաթումի–Երևան գնացքը սողանքի պատճառով մնացել է ճանապարհին
Վրաստանի երկաթուղիները հայտնում է, որ Բաթումի–Երևան գնացքը սողանքի պատճառով մնացել է ճանապարհին:
«Հայտնի չէ, թե երթևեկությունը երբ կվերականգնվի։ Եթե անգամ երթևեկությունը վերականգնվի, անվտանգության նկատառումներից ելնելով` այս պահին ուղևորների տեղաշարժը նպատակահարմար չէ», – ասված է հաղորդագրության մեջ:
Բոլոր գնացքները կմեկնեն մոտակա կայարան, որպեսզի ուղևորներն այնտեղից կարողանան շարունակել իրենց ճանապարհը։ Ընկերությունից խոստանում են վերադարձնել բոլոր ուղեվարձերը: Չեղարկվել են Թբիլիսի-Բաթումի 3 ուղերթ, Թբիլիսի-Փոթի և Զուգդիդի-Թբիլիսի ուղերթները։
