«Դաշնակների ատելությունը չափ ու սահման չունի սեփական պետականության նկատմամբ». ՔՊ պատգամավոր
ԱԺ «Քաղաքացիական պայմանագիր» խմբակցության պատգամավոր Արփի Դավոյանը ֆեյսբուքյան իր էջում գրել է.
«Դաշնակների ատելությունը չափ ու սահման չունի սեփական պետականության նկատմամբ։ Դաշնակցության տարածած կեղծ հայտարարության վերաբերյալ քաղաքական սկանդալը նպաստեց նրան, որ Ադրբեջանում Ֆրանսիայի դեսպանը կանչվել է ԱԳՆ՝ կապված Էմանուել Մակրոնի վերջին հայտարարության հետ»:
Ավելի վաղ հայտնել էինք, որ Ադրբեջանում Ֆրանսիայի դեսպան Անն Բոյյոնը կանչվել է այդ երկրի ԱԳՆ: Այս մասին հայտնում են ադրբեջանական լրատվամիջոցները: Նրան խնդրել են պարզաբանումներ տալ Էմանուել Մակրոնի՝ Ֆրանսիայում հայ համայնքի ներկայացուցիչների հետ հանդիպմանը՝ մամուլում տարածված նրա հայտարարությունների վերաբերյալ:
